Drejtori ekzekutiv i Agjencisë Kadastrale të Kosovës z.Avni Ahmeti priti në takim Kryeshefen Ekzekutive të Postës së Kosovës znj. Nora Rraci me bashkëpunëtorë. Temë qëndrore e takimit ishte nevoja urgjente që ka Posta e Kosovës për të dhënat e Regjistrit të adresave, për saktësinë dhe unifikimin e këtyre informatave, dhe ndërlidhjen e Regjistrit të adresave me sistemet postare. Drejtori Ahmeti mes tjerash tha që Agjencia Kadastarle e Kosovës është e gatshme që të bashkëpunojë ngushtë me Postën e Kosovës në dinamizimin e këtij procesi e njëkohësisht i informoi të pranishmit edhe për projektet e tjera që tashmë kanë filluar e të tjera që pritet të fillojnë së shpejti në kompletimin e sistemit të adresave, ndëlidhjen e qytetarit me adresë, krijimin e aplikacionit mobil për adresa etj.
Pjesë e diskutimit ishte edhe kërkesa e Postës së Kosovës për unifikimin e emërtimeve të kësaj ndërmarrje nga disa sosh, në një emërtim të vetëm me numër të saktë dhe unik për të gjitha pronat e tyre në tërë territorin e Republikës së Kosovës.
Edhe Kryeshefja Rraci premtoi bashkëpunim të plotë nga ana e tyre me qëllim të arritjes së objektivave të përbashkëta të të dyja institucioneve në afat sa më të shkurtë kohor, për benificione sa më të mëdha të qytetarëve të vendit.