Në një takim informues Drejtori Ekzekutiv i Agjencisë Kadastrale të Kosovës, z. Avni Ahmeti, u prit nga Nënkryetari i Komunës së Vitisë z. Hasan Aliu.

Drejtori Ahmeti e informoi Nënkryetarin Aliu për përfitimet e qytetarëve të Vitisë nga njëri prej projekteve më të rëndësishme që po zhvillon aktualisht Agjencia Kadastrale e Kosovës, Rindërtimin e Kadastrit. Ky projekt synon adresimin e mospërputhjeve mes gjendjes faktike në terren dhe të dhënave të evidentuara në Regjistrin e të Drejtave mbi Pronat e Paluajtshme, përfshirë zyrtarizimin e transaksioneve joformale, regjistrimin e trashëgimive, etj.

Projekti parasheh rindërtimin dhe përditësimin e informacioneve kadastrale, në tre zona kadastrale të Vitisë: Zk. Tërpezë, Radivojc dhe Sadovinë e Çerkezëve.

Mes tjerash u diskutua edhe për zhvillimet e fundit në AKK me fokus projektin e sapofilluar të korrektimit të të dhënave të pronarëve dhe arritjet e fundit të AKK-së digjitalizimin e shërbimeve kadastrale. 

Në anën tjetër Nënkryetari Aliu vlerësoi projektin e Rindërtimit të Kadastrit dhe njëkohësisht premtoi mbështetje e bashkëpunim të plotë nga komuna.