Dje u mbajtën takimet e radhës me banorët e fshatrave Petroc në Kamenicë dhe Dobërçan në Gjilan, në kuadër të Projektit për Rindërtimin e Kadastrit.
Këto sesione, që po mbahen gjithandej Kosovës, tashmë janë shndërruar në një platformë të hapur komunikimi, ku po prezantojmë hapat konkretë që do të ndiqen për saktësimin e të dhënave pronësore.
Gjatë takimeve, vëmendje e veçantë iu kushtua bashkëpunimit të drejtpërdrejtë me qytetarët, duke u ofruar sqarime mbi procedurat e identifikimit të pronave dhe rëndësinë që ka ky proces për sigurinë juridike të secilit pronar.
Interesimi i lartë i banorëve dëshmon rëndësinë e kësaj nisme për qytetarët.
Agjencia Kadastrale e Kosovës falënderon të gjithë pjesëmarrësit për kontributin e tyre dhe gatishmërinë për bashkëpunim. Ky angazhim i përbashkët në terren është jetik për suksesin e projektit dhe për krijimin e një baze të dhënash të saktë, e cila do t’u shërbejë brezave të ardhshëm.