Ekspertët e AKK-së, pjesë e grupeve punuese për përgatitjen e termave të referencës për zhvillimet/avancimet në sistemet e AKK-së, kanë zhvilluar një vizitë një ditore në Agjencinë për kadastër të patundshmërive të Maqedonisë Veriore. Në takimin e përbashkët, ku ekspertët e AKK-së u pritën nga drejtori i AREC-ut Z. Boris Tundzev me bashkëpunëtorët e tij, u diskutua kryesisht për sistemet digjitale që ky institucion ofron për përpunimin e të dhënave kadastrale. Lidhshmëria e sistemeve të ndryshme në Maqedoninë Veriore që u ofrojnë qasje gjeodetëve, noterëve e institucioneve tjera ishin temat kyqe të takimit. Ekspertët e AKK-së u njoftuan nga afër me formën e organizimit dhe të funksionimit të të gjithë zingjirit të realizmit të një kërkese/lënde për kadastër dhe mirëmbajtjes së të dhënave kadastrale që zhvillohet në këtë vend fqinjë. Sigurisht që praktikat e mira dhe mundësitë e avancimeve të ngjashme mund të shfrytëzohen nga AKK-ja për avancimet e planifikuara në muajt në vazhdim.
Të dyja institucionet u zotuan se do të përkrahin njëra tjetrën duke shkëmbyer praktikat e mira të realizuara nga cilado nga to, me qëllim të ngritjes së knaqshmërisë së të gjitha palëve të interesit dhe sigurisht qytetarëve me shërbimet kadastrale.