Zyrtarët e AKK-së Amir Sogojeva dhe Patriot Hasani nga Divizioni i Adresave, po marrinë pjesë në konferencën “Forumi Evropjan për Gjeografi dhe Statistika”, e cila po mbahet në Bruksel, prej datës 30 shtator deri me 2 tetor.
Konferenca e “Forumit Evropian për Gjeografi dhe Statistikë (EFGS) 2026” shqyrton se si integrimi i të dhënave statistikore dhe gjeohapësinore mund të mbështesë një kuptim dhe vendimmarrje më të mirë në përgjigje të sfidave komplekse shoqërore, mjedisore dhe ekonomike.
Motoja "Duke mundësuar të ardhmen përmes teknologjive gjeohapësinore" pasqyron rëndësinë në rritje të njohurive të bazuara në vendndodhje. Vendndodhja ofron kontekst kritik që transformon të dhënat në njohuri të zbatueshme, duke mundësuar politika dhe vendime më efektive dhe të synuara.
Një fokus kryesor i konferencës është se si modernizimi, qeverisja e mirë dhe ndërveprimi mund të mbështesin zhvillimin e ekosistemeve të të dhënave të integruara në kohë, të besueshme dhe elastike. Përtej zgjidhjeve teknike, kjo kërkon lidership strategjik, korniza dhe standarde të qarta rregullatore dhe angazhim të fortë organizativ.
Duke pasur parasysh që ASK është duke planifikuar dhe përgatitur Regjistrimin e Bujqësisë, Agjencia Kadastrale e Kosovës në bashkëpunim me Agjencinë e Statistikave të Kosovës prezantuan punimin me titull “Të dhënat zyrtare të adresave për anketat statistikore të mbështetura në gjeo-të dhëna, Bashkëpunimi AKK-ASK“. Duke prezantuar të arriturat e Sistemit të Adresave dhe benefitet e të dhënave të adresave për Regjistrimin e Bujqësisë