Në takimin e organizuar në AKK me përfaqësues të Programit të USAID-it për Qeverisje Ekonomike, program ky i USAID-it në mbështetje të MMPHI-së në implementimin e Programit të Legalizimit mes tjerash u diskutua për procesimin e lëndëve të Kategorisë II përkatësisht ndërtimeve shumë-banesore.
Dy nga aktivitet për të cilat të dyja palët u d akorduan të realizohen në një periudhë afatshkurte ishin: organizimi i një punëtorie me tri nga komunat partnere te Programit (Prishtinë, Prizren dhe Suharekë) me qëllim të trajtimit te problemeve, shkëmbimin e përvojave më të mira dhe sqarimin e obligimeve përkatëse mes drejtorive të përfshira (Urbanizëm dhe Kadastër) dhe mbështetje MMPHI-së në formimin e një grupi këshillëdhënës me përfaqësues nga AKK, komunat dhe institucionet tjera relevante për thjeshtimin e procedurave lidhur me lëndët e Kategorisë II.
Gjithashtu u dakorduan që USAID-i të mbështesë organizimin e punëtorive përkatëse si dhe hartimin e konkluzave dhe rekomandimeve për zyrtarët komunal.