Zv. Drejtori i Përgjithshëm i Agjencisë Kadastrale të Kosovës, z. Avni Ahmeti, ka pritur në takim përfaqësuesit e zyrës Japonezë për Bashkëpunim- JICA. Në takim u diskutua në detaje mbi përdorimin e informacionit gjeohapësinor për menaxhim dhe planifikim, në linjë me praktikat më të mira shtetërore dhe ndërkombëtare.
Palët u dakorduan për intensifikimin e bashkëpunimit në fushën e gjeoinformacionit në Republikën e Kosovës. Me fokus të veçantë në ngritjen e kapaciteteve për Agjencinë Kadastrale në krijimin e hartave topografike me shkallë të ndryshme, dhe përdorimin e informatave gjeohapësinore në dobi të kërkesave dhe nevojave të planifikimit të qëndrueshëm.