Agjencia Kadastrale e Kosovës ofron përkrahje e mbështetje të vazhdueshme profesionale për zyrtarët e ZKK-ve në qasjen dhe shfrytëzimin e aplikacioneve digjitale, për ofrimin e shërbimeve kadastrale për qytetarët e vendit.
Zyrtarë të Zyrave Kadastrale Komunale janë duke u trajnuar për shfrytëzimin e SIKTK-së. Ata janë njoftuar për së afërmi me funksionet e sistemit për regjistrimin, përpunimin dhe aprovimin e lëndëve për mirëmbajtje të rregullt të të dhënave kadastrale.
Pas përfundimit të fazës trajnuese këta zyrtarë do të testohen,e më pas do t’u ipet qasje në SIKTK.
Në anën tjetër AKK-ja në mënyrë aktive në çdo kohë monitoron kualitetin e të dhënave kadastrale që regjistrohen në SIKTK, dhe në rast të keqpërdorimeve eventuale ndërpret edhe qasjet për zyrtarët përkatës.