Shërbimet dhe punët kadastrale duhet të kryhen sipas kritereve të larta të kualitetit, bazuar në ligj, udhëzime administrative, korniza, doracakë,etj të cilët përcaktojnë mënyrën e realizimit të këtyre shërbimeve.
Matjet precize, kualiteti i lartë gjatë grumbullimit dhe përpunimit të të dhënave kadastrale nga terreni duhet të bëhen në përpurthje me Kornizën e punës së AKK-së.
Zv. Drejtori i përgjithshëm i AKK-së me vendim ka caktuar anëtarët e grupit monitorues me qëllim të monitorimit të aktiviteteve të kryera nga gjeodetët. Grupi monitorues është duke vazhduar me ritëm të intensifikuar të monitorojë të gjitha punët në terren.
Gjatë kësaj jave grupi i monitorimit ka vizituar gjeodetët dhe kompanitë gjeodete të licencuara në komunat: Rahovec, Suharekë dhe Mitrovicë e Jugut.
Monitorimi në terren do të vazhdojë edhe përgjatë ditëve në vijim, me komuna dhe gjeodetë të tjerë për të parë nga afër punën dhe sfidat e të gjitha zyrave të gjeodetëve/dhe kompanive gjeodete të licencuara, me qëllim ngritjen e kualitetit të shërbimeve kadastrale për qytetarët.