Pas misionit të suksesshëm të Bankës Botërore të realizuar në fillim të Qershorit, Agjencia Kadastrale e Kosovës ka vazhduar me punë intensive në hartimin e specifikave teknike, për projektet e planifikuara për këtë periudhë kohore, në kuadër të projektit REGIP.
Gjatë ditës së djeshme u mbajt takimi i radhës konsultues mes ekspertëve të BB-së dhe atyre të AKK-së, për të sqaruar dhe diskutuar detajet e fundit të përmbylljes së këtij procesi.
Banka Botërore edhe njëherë vlerësoi angazhimin e stafit të AKK-së për arritjen e objektivave dhe qëllimeve për realizimin sa më të sukseshëm të aktiviteteve në kuadër të REGIP-it, duke premtuar mbështetje të vazhdueshme për AKK-në në secilën fazë të realizimit të projekteve.