Agjencia Kadastrale e Kosovës ka filluar procesin e korrektimit/unifikimit të të dhënave të personave fizik, të cilët janë të regjistruar dy e më tepër herë me të njejtin numër personal në SIKTK T. Pas analizës së të dhënave nga grupi i ekspertëve të AKK-së dhe ankesave nga qytetarët, menaxhmenti i AKK-së ka kërkuar që të fillohet me unifikim të të dhënave nga vet stafi i AKK-së, meqë në ZKK nuk do kenë mundësi korrektimi për shkak të qasjeve të tyre mbrenda vetëm një komune të caktuar.
Të dhënat për pronarët dhe përdoruesit në regjistrin e të drejtave të pronës së paluajtshme do të korrigjohen/plotësohen, duke e ngritur në nivel më të lartë saktësinë e të dhënave. Korrigjimi i këtyre të dhënave do të mundësojë që edhe shfrytëzimi i aplikacioneve online të jenë në nivel më të lartë, psh nxjerrja e Certifikatave të pronësisë në eKosova, verifikimi i të dhënave nga Noterët, Përmbaruesit Privat, etj.
Duke rritur saktësinë e të dhënave synohet të rritet kënaqshmëria qytetarëve, me shërbimet kadastrale dhe produktet që ofrohen në ZKK/AKK.