Menaxhmenti i Agjencisë Kadastrale të Kosovës ka pritur sot në takim Drejtorin e Zyres për Demokraci dhe Qeverisje të USAID Z.Noel Bauer me bashkëpuntorë. Në takim morën pjesë edhe përfaqësuesit e projektit të USAID për Qeverisje të Pronës.
Zv. Drejtori Ekzekutiv i Agjencisë Kadastrale të Kosovës i njoftoi të pranishmit lidhur me progresin e arritur në AKK, reformat ligjore, sfidat dhe objektivat për të ardhmen, gjersa palët konfirmuan bashkëpunimin e ndërsjellë në nivel të lartë, si dhe u dakorduan për të vazhduar këtë bashkëpunim edhe në të ardhmen. Një ndër temat e këtij takimi ishte edhe kërkesa nga ana e AKK-së për financimin e përditësimit të Gjeoportalit aktual shtetëror nga projekti për Qeverisje të Pronës.