Agjencia Kadastrale e Kosovës ka mbajtur takimin e dytë brenda vitit me Donatorë. Këto takime organizohen me qëllim të koordinimit të aktiviteteve të asistencës financiare e zhvillimore, për sektorët e kadastrit, pronës së paluajtshme, infrastrukturës dhe gjeoinformacionit në vend.
Të pranishëm në takim përveç stafit menaxherial të AKK-së ishin përfaqësues nga Banka Botërore, USAID - Aktiviteti Qeverisja e Pronës, përfaqësues nga Kadastri holandez dhe përfaqësuesi i ATRC-së. Pjesëmarrësit në takim diskutuan mbi statusin aktual të projekteve specifike që ata mbulojnë, progresin në to dhe mundësitë e koordinimit dhe bashkëpunimit të ndërsjellët.
Donatorët vlerësuan punën, angazhimin dhe rezultatet e deritanishme, në projektet në realizim e sipër nga AKK-ja dhe premtuan vazhdimin e mbështetjes dhe koordinimit, me qëllim të arritjes së të gjitha objektivave të planifikuara nga AKK-ja për këtë periudhë kohore.
Ky takim i donatorëve do të ndihmoj Agjencinë Kadastrale të Kosovës në planifikimin e aktiviteteve të rëndësishme dhe prioritizimin e tyre me qëllim të avancimit të sistemeve dhe infrastrukturës, reformim të legjislacionit, digjitalizim të shërbimeve, etj, duke ndikuar kështu drejtpërdrejtë në modernizimin e kadastrit dhe ngritje të kualitetit të shërbimeve kadastrale.