Zv. Drejtori i Përgjithshëm i Agjencisë Kadastrale të Kosovës z. Avni Ahmeti, së bashku me Zv. Drejtorin e Drejtorisë Ligjor z. Bashkim Shaqiri, ka pritur në takim Deputetët e Komisionit parlamentar për Mjedis, Ushqim, Bujqësi, Planifikim dhe Zhvillim, z. Milazim Salihaj, z. Isak Shabani dhe z. Salih Zyba.
Z. Ahmeti i njoftoi deputetët për aktivitetet e Agjencisë Kadastrale të Kosovës, duke përfshirë infrastrukturën ligjore, projektet kapitale, avancimet në sisteme kadastrale dhe aktivitetet e tjera të cilat janë në proces të realizimit nga AKK-ja.
Pashmangshmërisht në këtë takim u diskutua edhe për Projektligjin për kadastër me të cilin trajtohet një nga problemet më të theksuara në të drejtat pronësore që është informaliteti i lartë. Ky problem do të zgjidhet përmes fuqizimit të rolit të komisionit për Rindërtimin e informacioneve kadastrale, i definuar me këtë ligj.
Në anën tjetër deputetët e informuan Zv. Drejtorin Ahmeti, që Projektligji për Kadastër të Pronës së Paluajtshme është në rend dite në seancën e radhës të Kuvendit të Republikës së Kosovës