Për herë të parë pas 23 viteve po funksionalizojmë shërbimin kadastral me hapjen e Zyreve Kadastrale Komunale në Komunën e Leposaviqit, Zveçanit, Zubin Potokut, si dhe rifunksionalizmin e Mitrovicës Veriore.
Agjencia Kadastrale e Kosovës në bashkëpunim me MMPHI ka arritur të siguroj lokacionin, pajisjet teknologjike dhe infrastrukturën tjetër përcjellëse, që qytetarët e këtyre komunave të marrin shërbime kadastrale në komunën e tyre.
Për të shpërndarë Certifikatat e para të pronësisë prezent në këto komuna ishte edhe Ministri Liburn Aliu.
Ministri në fjalën e tij për media uroi qytetarët e këtyre komunave për shërbimet e reja që iu janë shtuar atyre, duke iu premtuar edhe përkrahje të mëtutjeshme.
Pjesëmarrës në hapje zyrtare të ZKK-ve ishte edhe Zv.Drejtori i përgjithshëm i AKK-së Avni Ahmeti i cili premtoi që Agjencia Kadastrale e Kosovës do të vazhdojë mbështetjen e plotë për të gjitha komunat e Republikës së Kosovës dhe mbetet e përkushtuar në ofrimin e shërbimeve sa më të mira kadastrale dhe sa më afër qytetarëve.