Në vazhdimësi të aktiviteteve të Agjencisë Kadastrale të Kosovës me qëllim të koordinimit dhe bashkëpunimit më të mirë ndërinstitucional Drejtori Ekzekutiv i AKK-së Avni Ahmeti ka pritur në takim Drejtorin Ekzekutiv Administratës Tatimore të Kosovës Ilir Murtezaj.
Temat e diskutimit ishin zhvillimet e fundit të AKK-së dhe ATK-së në procesin e filluar tash e disa muaj për digjitalizimin e regjistrimit të barrës tatimore në SIKTK, përfshirë diskutime mbi avancimet e fundit, sfidat me të cilat po përballen të dyja institucionet në këtë proces dhe planet e obligimet e gjithsecilit në ditët në vazhdim.
AKK-ja u zotua që do të bëjë anagazhim maksimal në plotësimin e kërkesave të ATK-së, por të njejtën kohë edhe nga ATK-ja u kërkua që të përmbushen obligimet e tyre konform kërkesave të AKK-së.
Në fund të takimit të dyja institucionet u dakorduan që të vazhdojnë bashkëpunimin dhe koordinimin e ndërsjelltë për të arritur me sukses qëllimet e përbashkëta për lehtësim dhe digjitalizim të procedurave administrative.