Një delegacion nga AKK po merr pjese në konferencën regjionale “Dita e Infrastrukturës Kombëtare të Informacioneve Hapësinore (IKIH) -2024” në Shkup, Maqedonia e Veriut.
Në këtë konferencë të organizuar nga Agjencia për Paluajtshmëri dhe Kadastër (AREC) e Maqedonisë së Veriut, u diskutuan trendet dhe risitë në fushën IKIH-së në regjionin e Ballkanit perëndimor. Në këtë konferencë po marrin pjesë përfaqësues të Autoriteteve shtetërore për Kadastër të rajonit, përfaqësues te institucioneve që janë prodhues dhe përdorues të të dhënave të IKIH-së, përfaqësues nga akademia si dhe përfaqësues të institucioneve ndërkombëtare.
Përndryshe, Infrastruktura Kombëtare e Informacioneve Hapësinore mundëson shpërndarjen e Informacioneve Hapësinore ndërmjet Autoriteteve Publike të ndryshme për të krijuar lehtësime në shfrytëzimin në mase sa me të madhe të këtyre informacioneve hapësinore.
Agjencia Kadastrale e Kosovës në këtë konferencë në mënyrë aktive ka paraqitur të arriturat dhe progresin në fushën e IKIH-së në Republikën e Kosovës, sfidat dhe planet për të ardhmen.