Në ambientet e Agjencisë Kadastrale të Kosovës Drejtori Ekzekutiv i AKK-së Avni Ahmeti priti për vizitë përfaqësues nga Shoqata e Gjeodetëve të Shqipërisë udhëhequr nga kryetari i saj z.Rajmond Dervishi. Pjesëmarrës në takim ishte edhe z.Sabri Zylfiu në cilësinë e Këshilltarit të Posaçëm të Shoqatës së Gjeodetëve të Shqipërisë.
Drejtori Ahmeti me bashkëpunëtorët e tij i informoi të pranishmit për punën dhe aktivitete e AKK-së në vitin 2023 e gjithashtu edhe planet dhe projektet për vitin 2024.
Në fund të takimit u nënshkrua edhe Memorandumi i bashkëpunimit, me të cilin parashihet që të thellohet bashkëpunimi në mes të gjeodetëve shqipatarë. Në këtë Memorandum mes tjerash palët zotohen që të organizojnë takime të rregullta, konferenca, punëtori, e gjithashtu të shkëmbejnë mes vete botimet e tyre si dhe praktikat më të mira në fushën e legjislacionit, teknologjise dhe avancimeve tjera në ofrimin e shërbimeve sa më të mira kadastrale.
Ekspertët nga Shqipëria, duke falënderuar AKK-në për mikëpritjen, premtuam bashkëpunim të ndërsjellë në fushën e kadastrit dhe gjeodezisë, në mënyrë që sukseset dhe arritjet e të dyja vendeve të jenë në nivel sa më të lartë konkurues jo vetëm në regjion por edhe më gjerë.