Në një takim të përbashkët në ambientet e Agjencisë për Informim dhe Privatësi, Drejtori Ekzekutiv i AKK-së Avni Ahmeti bashkë me bashkëpunëtorë nga USAIDI u prit nga Krenare Sogojeva Dermaku, Komisionere e Agjencisë për Informim dhe Privatësi me bashkëpunëtorë.
Temë qëndrore e takimit ishte publikimi i të dhënave kadastrale në Gjeoportalin shtetëror të Republikës së Kosovës, përfshirë edhe të dhënat e pronarëve duke respektuar me përpikmëri kufizimet që dalin nga legjislacioni për mbrojtjen e të dhënave personale.
Meqë Agjencia Kadastrale e Kosovës ka të planifikuar për këtë vit avancimin e Gjeoportalit shtetëror me këtë zhvillim do të adaptohen të gjitha kërkesat dhe specifikat detaje për të mundësuar qasjen e qytetarëve në të dhënat kadastrale.
Hapja e të dhënave në nivel të tillë ka qenë temë diskutimi nga AKK-ja me disa institucione për një kohë të gjatë, por vetëm tani me ndryshimet e fundit legjislative është arritur që të jetësohet dhe të dhënat të jenë publike për të gjithë qytetarët e vendit.