Zv.Drejtori ligjor në Agjencinë Kadastrale të Kosovës Bashkim Shaqiri me bashkëpunëtorë priti në takim përfaqësuese nga Programi i USAID-it Drejtësia Komerciale. Temë diskutimi ishte fillimi i procedurës për plotësim/ndryshimin e Ligjit për ndërmjetësim, nga Ministria e Drejtësisë. Nga AKK-ja u kërkua që të japin kontributin e tyre në lidhje me ndryshimet e nevojshme sa i përket procedurave të ndërmjetësimit të kontesteve pronësore, zgjidhjet e mundshme, etj.
Nga ana tjetër AKK-ja, si shtytëse dhe përkrahëse kryesore e përfshirjes së ndërmjetësimit  në çështjet pronësore premtoi angazhim maksimal për të ofruar kontributin e nevojshëm si pjesë e grupeve punuese në këtë proces, në mënyrë që baza ligjore për ndërmjetësim të rasteve që lidhen me prona të paluajtshme të jetë e plotë e gjithpërfshirëse, me mundësi të realizimit të të drejtave pronësore të të gjithë qytetarëve që nuk kanë arritur ti realizojnë ato në mungesë të kësaj baze ligjore.