Përmbyllet vizita studimore 4 ditore e ekspertëve të AKK-së në Kadastrin Holandez. Gjatë kësaj vizite ata u njoftuan me praktiktat më të mira të punës në fushën e kadastrit, avancimet e shërbimeve kadastrale, projektet e realizuara me sukses nga ana e tyre dhe sfidat me të cilat janë përballur ata. Gjithashtu u prezantua edhe krijimi i kadastrit të përçojave, gjegjësisht regjistrimi fillestar që nga baza ligjore, mbledhja e të dhënave, sistemi i përpunimit e publikimit, ndërlidhja me kompanitë të cilat janë pronarë të përçojave,etj. Sipas ekspertëve holandez qasja, kontrollimi, monitorimi dhe përpunimi i të dhënave ka krijuar një zingjir në funksion më të mirë në ngritjen e cilësisë së të dhënave. Ndër të tjera në këtë vizitë u prezantuan edhe zhillimet që priten të bëhen për këtë fushë në KLIC Sistemi i përçojave I cili në këtë shtet është krijuar nga vitet 2003-2008.
U vizitua edhe Institucioni SOMA i cili ka në përgjegjësi trajnimin, licencimin e gjeodetëve dhe inxhinerëve të ndërtimit. Aty u prezantua ndërlidhja e kompanive që kanë nën menaxhim rrjetin e shërbimeve të përçojave, të drejtat dhe detyrimet e tyre si dhe vendpunishtet e hulumtimit dhe shënimit të përçojave.
Nga kjo vizitë ekspertët e AKK-së morrën njohuri shumë të nevojshme për implementim sa më të mirë të projekteve të planifikuara për realizim këtë vit nga AKK-ja, e gjithashtu edhe për planifikim të projekteve dhe avancimeve të reja bazuar në praktikat më të mira të shteteve evropiane.