Një punëtori 3 ditore është organizuar nga Agjencia Kadastrale e Kosovës për hartimin e planit strategjik të punës për implementimin e Ligjit për kadastër të pronës së paluajtshme.
Pas aprovimit të Ligjit për kadastër të pronës së paluajtshme dhe fuqizimit edhe të Udhëzimeve administrative që rrjedhin nga ky ligj, Agjencia Kadastrale e Kosovës ka organizuar punëtori disa ditore për hartimin e planit strategjik të punës për implementimin e Ligjit, sfidat për organizimin vertikal duke përfshirë zyret kadastrale të cilat parashihen të jenë në kuadër të AKK-së, formën e organizimit dhe funksionimit të tyre, organizimi i stafit, punëve dhe përgjegjësive për projektet kapitale të planifikuara këtë vit nga AKK-ja, etj.
Pjesë e punëtorisë përveç ekspertëve të AKK-së janë edhe zyrtarë nga Zyret kadastrale komunale.
Synimi i kësaj punëtorie është që të draftojë Planin strategjik të punës për implementin të Ligjit, të parashohë sfidat që e presin organizimin e ri të fushës së kadastrit në vend, formën e organizimit të punëve dhe aktiviteteve për projektet e reja, etj.
Punimet e kësaj punëtorie po mbështeten nga Aktiviteti për Qeverisje Pronësore i USAID-it.