Me qëllim të bashkërendimit të aktiviteteve dhe koordinimit në fushën e informimit publik për aktivitetet në Agjencinë Kadastrale të Kosovës, u nënshkrua Memorandumi i bashkëpunimit me përfaqësuesit e projektit për shërbimet e informimit publik dhe vetëdijesimit për komunitetet pakicë në Kosovë (PIAKOS), i zbatuar nga Qendra për Trajnime dhe Burime për Avokim (ATRC). Objektivi i këtij projekti të financuar nga Banka Botërore është përmirësimi i qasjes në informatat për regjistrimin e tokës dhe pronës dhe shërbimet këshilluese për gratë, të rinjtë dhe komunitetet pakicë në Republikën e Kosovës.
Në këtë takim përveç tjerash u diskutua mundësia e bashkërendimit të aktiviteteve për të cilat projekti PIAKOS mund ta ndihmojë Agjencinë Kadastrale të Kosovës në fushën e informimit të publikut, e sidomos gjatë implementimit të projekteve të rëndësishme që priten të zhvillohen nga Agjencia Kadastrale e Kosovës siç janë: Rindërtimi I Kadastrit Finalizimi i Sistemit të Adresave, Përmirësimin e të dhënave në SIKTK, Implementimi i infrastrukturës kombëtare të informacioneve hapësinore, etj.