Drejtori Ekzekutiv i AKK-së Avni Ahmeti me bashkëpunëtorë gjatë ditës priti në takim znj. Rrezarta Loxha-Vitaku zv. Drejtoreshë në Institutin e Kosovës për Mbrojtjen e Monumenteve dhe z. Milot Berisha Ud. Drejtor, në Institutin Arkeologjik të Kosovës. Temë qendrore e diskutimit ishte kërkesa e intensifikimit të bashkëpunimit mes institucioneve me qëllim të krijimit të mekanizmave për mbrojtjen e objekteve të trashëgimisë kulturore. Z Berisha në fjalën e tij tha që misioni i Institutit Arkeologjik të Kosovës është përcaktimi dhe identifikimi i potencialit arkeologjik dhe paraqitja e tyre në dokumentet zyrtare, andaj një bashkëpunim me Agjencinë Kadastrale të Kosovës do të ishte një hap thelbësor që do të jetë në interes të përbashkët për realizimin e objektivave të secilit institucion.
Në anën tjetër Drejtori Ahmeti premtoi bashkëpunim fillimisht në ofrimin e qasjes në Regjistrin e të drejtave pronësore pas nënshkrimit të Memorandumit të bashkëpunimit, i cili pritet të realizohet shumë shpejt.
Si kërkesë e AKK-së ishte edhe ofrimi i të dhënave për këto objekte, përfshirë edhe koordinata dhe përshkrim historik për to, nga ana e të dyja institucioneve në mënyrë që të njëjtat të vendosen në Gjeoportalin shtetëror dhe të jenë një mundësi e mirë edhe për promovimin e turizmit.