Me dt. 08.08.2024 është miratuar Rregullorja (ZKM) Nr. 13/2024 për Organizimin e brendshëm dhe sistematizimin e vendeve te punës në Agjencinë Kadastrale të Kosovës, një dokument ky kyç që synon të standardizojë dhe përmirësojë procesin e klasifikimit të pozicioneve të punës brenda AKK-së. Kjo rregullore është pjesë e angazhimit të vazhdueshëm të institucionit për të siguruar një strukturë më të drejtë dhe transparente për të gjithë punonjësit.
Rregullorja e re vendos kritere të qarta për sistematizimin e vendeve të punës, duke marrë parasysh përgjegjësitë, kompleksitetin e detyrave, dhe kompetencat e kërkuara për secilin pozicion. Kjo rregullore ka hy në fuqi sot datë 15.08.2024 dhe zbatimi i saj do të monitorohet në mënyrë rigoroze për të siguruar përputhjen e plotë me udhëzimet e reja.
Ky hap përfaqëson një përpjekje të rëndësishme për të ndërtuar një mjedis pune më të drejtë dhe të balancuar për të gjithë zyrtarët e AKK-së, me qëllim rritjen e efikasitetit dhe motivimit të të gjithë stafit, për të krijuar një vend pune ku të gjithë ndihen të vlerësuar dhe të respektuar.