Me reformat e fundit në legjislacion të realizuara nga Agjencia Kadastrale e Kosovës, përkatësisht aprovimin e Udhëzimit administrativ për tarifa,  është liruar nga pagesa pajisja me Certifikatë pronësie në platformën eKosova.
Ky ndryshim paraqet një hap tutje në fushën e digjitalizimit, duke synuar shërbime më efikase, më cilësore, më lehtë të qasshme si dhe inkurajim për qytetarët, për shfrytëzimin e këtyre shërbimeve të publikuara së fundmi nga Agjencia Kadastrale e Kosovës.
Njëkohësisht  institucioni ynë do të vazhdojë përpjekjet intensive për rritjen e numrit të shërbimeve digjitale kadastrale edhe në muajt në vazhdim, duke përfshirë edhe aplikimin për bartje të pronësisë, ndarje dhe bashkim të njësive kadastrale, regjistrimet e barrave dhe ngarkesave në regjistër, etj.