16/10/2024
Sot, në ambientet e Agjencisë Kadastrale të Kosovës, u zhvillua takimi koordinues i rradhës me donatorë, përfshirë përfaqësuesit e Bankës Botërore, USAID, UN Habitat, OSBE, si dhe Agjencinë Kosovare për Krahasim dhe Verifikim të Pronës.
Qëllimi i takimit ishte të ofronte një koordinim dhe informacion më të detajuar mbi të gjitha projektet dhe aktivitetet aktuale të AKK-së, si dhe ato të planifikuara. U diskutuan mundësitë për bashkërendimin e
aktiviteteve, me synimin për të rritur efikasitetin gjatë implementimit të projekteve dhe për të eliminuar barrierat e mundshme.
Drejtori Ekzekutiv i AKK-së, Avni Ahmeti, theksoi për të pranishmit arritjet e rëndësishme të vitit, duke përfshirë miratimin e Udhëzimeve Administrative, progresin në aktivitetet e planifikuara për vitin 2024, si dhe sfidat dhe sukseset në realizimin e objektivave strategjike të AKK-së.
Si përfundim, pjesëmarrësit arritën një konsensus për të forcuar bashkëpunimin e ndërsjellë, me qëllimin për të avancuar këto projekte në dobi të qytetarëve të Kosovës. Të gjithë donatorët shprehën angazhimin e tyre për mbështetje të vazhdueshme, ndërsa Agjencia Kadastrale e Kosovës konfirmoi përkushtimin e saj të palëkundur për implementimin e aktiviteteve sipas planit të paraparë.