Agjencia Kadastrale e Kosovës (AKK), mori pjesë në Forumin e 10-të të organizuar nga EUPOS (European Position Determination System), i mbajtur në Shkup, Maqedonia e Veriut, me mbështetjen e nikoqirit AREC (Agency for Real Estate Cadastre).
Forumi mblodhi së bashku institucione nga rajoni dhe Evropa, duke prezantuar arritjet dhe sfidat në fushën e Pozicionimit Global. AKK prezantoi zhvillimet e saj në rrjetet gjeodezike, veçanërisht zhvillimet me sistemin KOPOS, duke nënvizuar përkushtimin për të kontribuar në standardet ndërkombëtare të fushës.
Gjatë takimeve me bordin drejtues të EUPOS-it, u theksua gatishmëria e AKK-së për t’u bërë anëtare e organizatës, duke konsideruar rëndësinë e bashkëpunimit ndërkombëtar dhe përkushtimin e agjencisë për një integrim të plotë në rrjetin evropian të ekspertizës në këtë fushë strategjike.