Ekspertë nga Agjencia Kadastrale e Kosovës, ishin pjesë aktive në takimin përmbyllës të projektit “Forcimi i Qasjes Profesionale në Informacionin mbi Tokën në Rajonin e Ballkanit Perëndimor”, (SPATIAL 2), i cili u mbajt në Beograd, nën organizimin e Qeverisë Holandeze.
Gjatë kësaj ngjarje, u prezantuan të arriturat e projektit, u identifikuan sfidat kryesore dhe u hapën horizonte të reja për bashkëpunim rajonal. Diskutimet theksuan rëndësinë e implementimit të një sistemi kadastral të qëndrueshëm i cili është në harmoni me standardet më të larta ndërkombëtare.
Ekspertët nga Agjencia, ndanë përvojën dhe njohuritë e tyre profesionale mbi proceset e modernizimit kadastral dhe administrimin e tokës, duke ofruar shembuj konkretë nga praktikat më të mira të zbatuara tek Agjencia Kadastrale e Kosoves.