Drejtori Ekzekutiv i AKK-së z. Avni Ahmeti, bashkë me udhëheqësin e NJIP të REGIP, z. Muzafer Qaka, pritën në takim delegacionin e lartë të Bankës Botërore, të përbërë nga: Z. Paul Prettitore – Lider i Ekipit, Znj. Lindita Lepaja – Koordinatore e portofolios, Znj. Elena Corman – Specialiste e lartë e prokurimit  dhe  Z. Kushtrim Plakolli – Specialist i Prokurimit
Ky takim u fokusua në progresin e deritanishëm të projektit REGIP, rëndësinë e zgjatjes së afatit të implementimit të Projektit për të siguruar një realizim të suksesshëm të të gjitha aktiviteteve kyçe të projektit, përfshirë modernizimin dhe rindërtimin e kadastrit në 115 zona kadastrale.
Gjithashtu, u shqyrtua Plani i Veprimit për fazën e ardhshme, duke siguruar që të gjitha proceset të ecin sipas planeve dhe standardeve më të larta. Ky takim dëshmoi edhe një herë bashkëpunimin e shkëlqyer në mes të AKK-së dhe Bankës Botërore, ku me përkushtim të vazhdueshëm po arrihen avancime konkrete dhe të prekshme për qytetarët.
Për një sistem kadastral më të saktë, më të sigurt dhe më efikas! Agjencia Kadastrale e Kosovës