Agjencia Kadastrale e Kosovës (AKK) 𝐤𝐚 𝐟𝐢𝐧𝐚𝐥𝐢𝐳𝐮𝐚𝐫 𝐦𝐞 𝐬𝐮𝐤𝐬𝐞𝐬 𝐫𝐞𝐠𝐣𝐢𝐬𝐭𝐫𝐢𝐦𝐢𝐧 𝐞 𝐩𝐫𝐨𝐧𝐚𝐯𝐞 𝐭ë 𝐓𝐫𝐞𝐩ç𝐚 𝐒𝐡.𝐀., duke i dhënë fund një sfide shumëvjeçare. Tani për herë të parë pas luftës, Trepça ka një regjistër të plotë të pronave të saj, duke hapur kështu rrugën për menaxhim transparent, zhvillim strategjik dhe investime të reja.
Drejtori Ekzekutiv i AKK-së, z. Avni Ahmeti, i dorëzoi zyrtarisht certifikatat e pronësisë Drejtorit Ekzekutiv të Trepçës, z. Faton Ahmeti, dhe shprehu se AKK do të vazhdojë punën për regjistrimin e plotë të të gjitha aseteve të Trepçës, për të forcuar bazën e saj ligjore dhe ekonomike.
Rezultatet kyçe të fazës së parë:

-  2,133 prona tani të regjistruara në emër të Trepça Sh.A.
- 12.6 km² tokë e konsoliduar nën menaxhimin e ndërmarrjes.