Sot, përfaqësues të Agjencisë Kadastrale të Kosovës zhvilluan një takim virtual me përfaqësuesit e EuroGeographics, një organizatë kjo prestigjioze ndërkombëtare që përfaqëson autoritetet kombëtare të hartografisë, kadastrit dhe regjistrimit të tokës në Evropë. Në krye të herës, u diskutua për forcimin e bashkëpunimit dypalësht dhe avancimin e shpërndarjes së të dhënave hartografike për Hartën Regjionale Evropiane (Euro Regional Map) dhe Hartën Evropiane të Kufijve (Euro Boundary Map). Ky hap i rëndësishëm synon të rrisë cilësinë dhe qasjen në të dhënat gjeohapësinore për planifikimin dhe zhvillimin në nivel rajonal dhe evropian.
EuroGeographics, një organizatë e pavarur jofitimprurëse, bashkon 61 agjenci kombëtare të hartografisë dhe kadastrit nga 46 vende evropiane, duke e bërë atë rrjetin më të madh të këtij lloji. Agjencia Kadastrale e Kosovës, si anëtare e kësaj organizate qysh nga viti 2003, vazhdon të kontribuojë aktivisht në zhvillimin dhe shpërndarjen e të dhënave hartografike të standardizuara, duke forcuar rolin e saj në arenën ndërkombëtare.