Rindërtimi i kadastrit është një projekt i rëndësishëm për qytetarët dhe ekonominë e vendit. Ky proces jo vetëm që mundëson azhurnimin e të dhënave, por u ofron pronarëve në zonat e përfshira mundësinë që, pa asnjë kosto, pronat e tyre të paluajtshme të bëhen pjesë aktive e qarkullimit bankar dhe tregut të pasurisë së paluajtshme, si rrjedhojë e të cilit hap është nxitja e mëtejshme e zhvillimit ekonomik.
"Udhëzuesi i Punës nr. 01/2025 për Rindërtimin e Kadastrit" lehtëson zbatimin e projektit për të gjithë akterët përfshirë ekspertët e Agjencisë Kadastrale të Kosovës (AKK), Zyrave Kadastrale Komunale (ZKK), operatorët ekonomikë dhe profesitonistët e tjerë në këtë fushë, rrjedhimisht në këtë trajektore të procesit, përfshihen planifikimi, informimi publik, fushata e matjeve, përpunimi i të dhënave, kontrolli i cilësisë dhe finalizimi i regjistrimeve kadastrale.
Një falënderim të veçantë ekspertëve të Agjencisë Kadastrale të Kosovës (AKK), të Zyrave Kadastrale Komunale (ZKK), Shoqatës së Gjeodetëve të Kosovës dhe gjeodetëve të licencuar për kontributin e tyre të çmuar në përpilimin e këtij udhëzuesi. Kontribuimi dhe angazhimi i tyre është vendimtar për suksesin e projektit dhe për përmirësimin e sistemit kadastral në shërbim të qytetarëve dhe zhvillimit ekonomik të vendit.

https://akk.rks-gov.net/storage/app/media/udhezues-per-rindertimin-e-kadastrit-19022025.pdf