Sot, në zyret e Agjencisë Kadastrale të Kosovës, u mbajt një takim i frytshëm me Operatorë Ekonomikë, me ç'rast u diskutua në hollësi për trajtimin e planit dinamik të RK, ku njëherit u bë edhe pranim-dorëzimi i të dhënave për fillimin e zbatimit të projektit “Rindërtimi i Kadastrit në 115 Zona Kadastrale”.
Ky projekt që synon të përmirësojë administrimin e pronës së paluajtshme duke harmonizuar të dhënat kadastrale me gjendjen faktike në terren, përkitazi të adresojë mospërputhjet mes të dhënave të regjistrit pronësor dhe realitetit në terren, do të korrigjojë gabimet ekzistuese dhe përditësojë të dhënat kadastrale. Elemente kyçe tjera të projektit janë edhe vetëdijesimi i qytetarëve për regjistrimin e pronës, promovimi i së drejtës së grave në trashëgimi dhe regjistrimi i pronës në emër të të dy bashkëshortëve.
Procesi i RK, do të zbatohet në përputhje të plotë me legjislacionin në fuqi dhe Planin për Rindërtimin e Kadastrit, rrjedhimisht duke garantuar transparencë dhe siguri juridike mbi pronat. Realizimi i projektit të RK, kontribuon në një kadastër më të saktë, më modern, më të besueshëm dhe më të qasshëm për të gjithë qytetarët.