Këtë javë, Agjencia Kadastrale e Kosovës përmbylli me sukses vizitat monitoruese në të gjitha Zyrat Kadastrale Komunale, me qëllim të dorëzimit të raporteve mbi gjetjet e monitorimit të punës dhe aktiviteteve të tyre.
Komunat e vizituara së fundmi përfshijnë: Rahovecin, Mamushën, Lipjanin, Klinën, Istogun, Deçanin, Ferizajn, Gjakovën, Gjilanin, Kamenicën, Malishevën, Pejën, Podujevën, Prishtinën, Prizrenin, Shtërpcën, Skenderajn dhe Mitrovicën e Veriut.
Ekspertët e AKK-së diskutuan në detaje mbi gjetjet e raportit paraprak dhe atij aktual, si dhe mbi aktivitetet e lidhura me procesin e regjistrimit dhe vendosjen e lëndëve përkatëse.
Raporti i përgatitur nga ky monitorim do t’i dorëzohet Drejtorit të ZKK-së dhe Kryetarit të Komunës përkatëse, së bashku me vërejtjet dhe rekomandimet për secilën prej tyre, si dhe udhëzimet për hapat e mëtejshëm në përputhje me legjislacionin në fuqi. Po ashtu, raporti do t’u përcillet gjeodetëve dhe kompanive gjeodezike të licencuara.
Monitorimi mbetet një proces i vazhdueshëm dhe një përgjegjësi e AKK-së për të siguruar cilësinë e shërbimeve kadastrale.