Gjatë këtij takimi, palët u fokusuan në tri çështje kyçe:
Shkëmbimi i të dhënave për adresat zyrtare të qytetarëve – U diskutua vendosja e adresave të sakta në faturat e energjisë elektrike, duke garantuar kështu përdorimin e të dhënave zyrtare dhe rritjen e cilësisë së informacionit për konsumatorët e KEDS-it.
Qasja në të dhënat kadastrale nga ana e KEDS-it – Kjo qasje do të ndihmojë në verifikimin e saktë të njësive kadastrale, duke sqaruar nëse një pronë është publike apo private, e që rrjedhimisht do të përmirësojë planifikimin dhe menaxhimin e rrjetit të energjisë.
Shkëmbimi i të dhënave për përçojat – U diskutua mbi specifikimet teknike dhe atributet e këtyre të dhënave, si dhe nevoja për mirëmbajtje të rregullt dhe të koordinuar të tyre në bashkëpunim me AKK-në.
Palët u dakorduan që shumë shpejt të formalizojnë këtë bashkëpunim përmes nënshkrimit të një memorandum mirëkuptimi, i cili do të hapë rrugën për shkëmbim të rregullt dhe të sigurt të të dhënave ndërmjet AKK-së dhe KEDS-it.