Sot, në ambientet e Agjencisë Kadastrale të Kosovës (AKK), u nënshkrua një Memorandum Bashkëpunimi në mes të:
Agjencisë Kadastrale të Kosovës, përfaqësuar nga Drejtori Ekzekutiv z. Avni Ahmeti si dhe
Ndërmarrjes Hidroekonomike “Ibër Lepenc”, përfaqësuar nga Drejtori Ekzekutiv z. Faruk Mujka.
Qëllimi i këtij bashkëpunimi është shkëmbimi i të dhënave në mënyrë elektronike, përmes ndërlidhjes me Sistemin Informativ Kadastral për Tokën në Kosovë (SIKTK), me ç'rast:
Përcaktohen rregullat e qasjes dhe përdorimit të të dhënave;
Bëhet siguria e të dhënave dhe rregullat e ndara për administri; si dhe
Bëhet lehtësimi i procedurave për bashkëpunim të mëtutjeshëm ndërinstitucional.
Fushëveprimi teknik përfshin:
Qasje elektronike përmes ueb-aplikacioneve me SIKTK; si dhe
Organizimin e trajnimeve për stafin e Ibër Lepenc për përdorimin e moduleve të ndryshme sipas nevojave.
Ky bashkëpunim synon të sjellë më shumë efikasitet, transparencë dhe koordinim institucional, duke përdorur kështu teknologjinë si urë lidhëse ndërmjet dy institucioneve kryesore në fushën e ujit dhe kadastrit në Republikën e Kosovës.