Në ambientet e Agjencisë Kadastrale të Kosovës është mbajtur takim lidhur me versionin e ri të ARIS-it. ARIS-i është aplikacioni zyrtar për Sistemin e Adresave, i cili përdoret nga komunat për përditësimin dhe mirëmbajtjen e të dhënave të adresave zyrtare.
Gjatë takimit janë realizuar testimet finale të këtij versioni nga ekspertët e AKK-së dhe kompania që ka zhvilluar aplikacionin.
AKK ka planifikuar që nga java e ardhshme të fillojë trajnimet për zyrtarët e komunave, të cilët merren me mirëmbajtjen e të dhënave të adresave, si dhe për konsulentët e angazhuar në regjistrimin e adresave zyrtare të qytetarëve.
Pas përfundimit të trajnimeve, do të bëhet edhe lansimi zyrtar i versionit të ri të ARIS-it.