09/09/2025
Sot, në kuadër të avancimit të Sistemit të Adresave, Agjencia Kadastrale e Kosovës ka mbajtur trajnime për mbi 50 konsulentë, të cilët janë të angazhuar drejtpërdrejt
në procesin e ndërlidhjes së qytetarit me adresë zyrtare nëpër Komuna.
Trajnimet u zhvilluan në dy grupe dhe kishin për qëllim fuqizimin e kapaciteteve profesionale për përdorimin e versionit të ri të ARIS-it, aplikacionit zyrtar që komunat përdorin për përditësimin dhe menaxhimin e adresave.
Pas përfundimit të këtyre trajnimeve, pritet edhe lansimi zyrtar i versionit të ri të ARIS-it, një hap i rëndësishëm për modernizimin dhe lehtësimin e qasjes së qytetarëve në adresat e tyre zyrtare.