Agjencia Kadastrale e Kosovës, në bashkëpunim të ndërsjellë me qytetarë, përkitazi palë të interesit dhe OE, ka filluar qysh prej sot mbajtjen e seancave të para për shqyrtimin e trashëgimisë, me ç'rast sot e filluam punën në zonën kadastrale të Carrabregut, të Komunës së Deçanit.
Këto seanca kanë rëndësi të veçantë për qytetarë, pasi që përbëjnë një hap të rëndësishëm drejt përfitimit të së drejtave të garantuara pronësore nga Rindërtimi i Kadastrit, i cili projekt synon evidentimin dhe përditësimin e të dhënave pronësore në mënyrë të saktë, transparente dhe në përputhje me standardet më të larta profesionale.
Deri më tani, janë evidentuar mbi 500 raste të trashëgimisë vetëm në LOT-1, të cilat janë publikuar në pesë lista zyrtare dhe po shqyrtohen në mënyrë të hapur e gjithëpërfshirëse. Ky proces u mundëson qytetarëve që të zyrtarizojnë të drejtat e tyre pronësore dhe të shmangin pasiguritë që lidhen me pronën.
Agjencia Kadastrale e Kosovës, inkurajon të gjithë qytetarët që të shfrytëzojnë këtë mundësi të rëndësishme që ofron Projekti i Rindërtimit të Kadastrit, i cili mes tjerash adreson në veçanti:

Çështjet e trashëgimisë;
Informalitetin; si dhe
Zyrtarizimin e gjendjes faktike në terren.