Agjencia Kadastrale e Kosovës po vazhdon me sukses shqyrtimin e trashëgimisë në kuadër të Projektit të Rindërtimit të Kadastrit, këtë herë në Komunën e Prishtinës.
Seancat e fundit janë mbajtur në lagjet Arbëria dhe Tasligje të Komunës së Prishtinës, ku qytetarët po përfitojnë nga mundësia për të zyrtarizuar të drejtat e tyre pronësore në mënyrë të drejtë, transparente dhe plotësisht falas.
Agjencia Kadastrale e Kosovës fton të gjithë qytetarët të shfrytëzojnë këtë proces të rëndësishëm, që kontribuon në sigurinë juridike të pronës, zgjidhjen e çështjes për trashëgimi dhe në përditësimin e të dhënave kadastrale në interes të të gjithëve.