Takim i Agjencisë Kadastrale të Kosovës me Presidentin e Shoqatës Ndërkombëtare të Hartografisë, Prof. Dr. Georg Gartner
Agjencia Kadastrale e Kosovës (AKK) ka pritur në takim profesorin e njohur të hartografisë dhe presidentin aktual të Shoqatës Ndërkombëtare të Hartografisë (ICA), Prof. Dr. Georg Gartner, nga Universiteti i Teknologjisë së Vienës (TU Wien).
Gjatë takimit u diskutua për zhvillimet më të fundit në fushën e hartografisë moderne dhe të teknologjive GIS, si dhe për mundësitë e bashkëpunimit të ndërsjellë ndërmjet AKK-së dhe institucioneve akademike ndërkombëtare.
Profesori Gartner, një autoritet i njohur në fushën e hartografisë, po qëndron në Kosovë për një vizitë akademike dhe për bashkëpunim me ekspertë të gjeoinformacionit. Përfaqësuesit e AKK-së e njoftuan profesorin Gartner për projektet aktuale të Agjencisë, me fokus në digjitalizimin e shërbimeve dhe të dhënave gjeohapësinore, si dhe në avancimin e Gjeoportalit, si pjesë e modernizimit të sistemit kadastral në Kosovë.