Në kuadër të projektit për zhvillimin dhe avancimin e sistemeve kadastrale, sot u mbajt dita e tretë e trajnimeve, kësaj rradhe me zyrat kadastrale komunale (ZKK), në kuadër të sistemit të integruar SIKTK-T për pjesën tekstuale, si pjesë e procesit të digjitalizimit të plotë të shërbimeve kadastrale në Republikën e Kosovës.
Trajnimi i sotshëm shënoi një tjetër hap të rëndësishëm drejt modernizimit të kadastrit, duke fuqizuar rolin e zyrave komunale në implementimin e sistemeve të reja teknologjike, rrjedhimisht duke ndërtuar kapacitete të qëndrueshme për menaxhimin digjital së të dhënave kadastrale.
Pas prezantimeve të avancimeve dhe zhvillimeve të reja (pjesës tekstuale të SIKTK-T) nga specialistët e kadastrit nga AKK, znj. Drenushë Januzi Kukaj si dhe z. Kujtim Mustafa, ku në hollësi spjeguan funksionalitetet, ripërditësimet, e mënyrat e përdorimit dhe rolin e këtij sistemi në përmirësimin e punës së përditshme, pjesëmarrësit patën mundësinë të ndjekin demonstrime praktike dhe më pas të zhvillojnë diskutime të frytshme gjatë sesionit të (Q&A).
Trajnimet po vijojnë me sukses dhe do të vazhdojnë edhe në ditët në vijim, duke përfshirë të gjithë akterët përkatës në nivel vendi.
Me zbatimin e avancimeve teknologjike dhe integrimin e platformave të reja digjitale, viti 2025 po konsolidohet si viti i digjitalizimit të plotë të kadastrit në Republikën e Kosovës.
Bashkë për një kadastër modern, transparent dhe plotësisht digjital!