Gjatë javës që e lamë pas, përmbyllëm me shumë sukses një cikël trajnimesh që solli bashkë gjeodetët, kompanitë gjeodete, njëherit vizionin tonë të përbashkët për zhvillim.
Me prezantimin e përgjithshëm të Sistemit të Gjeodetëve, ishte një ditë plot energji, bashkëpunim, përkushtim profesional e me diskutime të frytshme, me ç'rast u trajtuan:

• Arritjet e AKK-së në standardizimin e procedurave dhe digjitalizimin e shërbimeve kadastrale.
• Rastet praktike për llojet e ndryshme të proceseve brenda Sistemit të Gjeodetëve.
• Demonstrimi i ndarjes së parcelave (forma manuale) dhe integrimi i tyre në sistem.

Trajnimet u zhvilluan në formë interaktive, me diskutime, shembuj konkretë dhe prezantime praktike që afruan profesionistët me sfidat dhe zgjidhjet e përditshme.
Në këtë ditë me rëndësi të veçantë profesionale, u dëshmua fuqia e bashkëpunimit të ndërsjellë dhe vizionit të përbashkët, ku jo vetëm se u forcua partneriteti në mes profesionistëve të fushës, përkitazi gjeodetëve, por edhe e lartësua vetë profesioni i gjeodetit, si një shtyllë thelbësore e zhvillimit kadastral në Republikën e Kosovës.
Me mirënjohje për secilin pjesëmarrës, Agjencia Kadastrale e Kosovës do vazhdojë përpara me besim, motivim dhe dëshirë për të sjellë shërbime edhe më moderne, më transparente dhe më cilësore për qytetarët tanë.