Gjatë javës që e lamë pas, u përmbyll me sukses të jashtëzakonshëm cikli i trajnimeve në kuadër të projektit për zhvillimin dhe avancimin e sistemeve kadastrale. Dita e fundit e trajnimeve, si pjesë e procesit të digjitalizimit të plotë të shërbimeve kadastrale në Republikën e Kosovës, (moduli për noterë), shënoi një tjetër hap të rëndësishëm drejt modernizimit të kadastrit, duke fuqizuar rolin e noterëve në implementimin e sistemeve të reja teknologjike, rrjedhimisht duke ndërtuar kapacitete të qëndrueshme për menaxhimin digjital së të dhënave kadastrale.
Ky sesion final shënoi një hap të rëndësishëm në procesin e digjitalizimit të kadastrit në Republikën e Kosovës, duke forcuar rolin e noterëve si akterë kyç në implementimin dhe funksionalizimin e teknologjive të reja. Përmes prezantimeve të detajuara, demonstrimeve praktike dhe një diskutimi të thelluar gjatë sesionit Q&A, pjesëmarrësit u pajisën me njohuri të avancuara mbi përdorimin, funksionalitetet dhe përditësimet që ky sistem sjell në praktikën e përditshme profesionale të tyre.
Trajnimet, të cilat kanë përfshirë në mënyrë të gjithanshme të gjithë akterët relevantë në nivel vendi, dëshmojnë përkushtimin maksimal nga Agjencia Kadastrale e Kosovës, për të ndërtuar kapacitete të qëndrueshme dhe për të siguruar një transformim të mirëfilltë digjital. Tashmë viti 2025 po kristalizohet si viti i digjitalizimit të plotë të kadastrit në Republikën e Kosovës, një tranzicion drejt një kadastri më të integruar, më transparent e më efikas.
Mirënjohje të veçantë për çdo noter dhe çdo profesionist të përfshirë në angazhimin, profesionalizmin dhe kontributin e pashoq. Agjencia Kadastrale e Kosovës mbetet e vendosur të avancojë edhe më tej çdo shërbim që e ofron, gjithnjë me vizion, seriozitet dhe besim, në shërbim të qytetarëve.