19/02/2026
Agjencia Kadastrale e Kosovës (AKK) ka filluar vitin 2026 me takime koordinuese dhe informuese me Drejtorë dhe zyrtarë të drejtorive të ndryshme në nivelin komunal. Sot u mbajt takimini radhës me Drejtorë të Inspeksionit dhe të Urbanizmit.
Në një takim përmbajtësor e me diskutime interaktive me këto dy drejtori, u sqaruan detaje nga projektet e fundit të realizuara nga AKK së fundmi me fokus: Avancimin e Sistemeve Kadastrale ose Digjitalizimin e shërbimeve, Pararegjistrimin e ndërtesës dhe pjesëve të ndërtesës, Sistemin e gjeodetëve, Gjeoportalin shtetëror, Sistemin e adresave në veçanti Ndërlidhjen e qytetarit me adresë zyrtare,etj. Nga Drejtoria e Inspeksionit nga Komuna e Prishtinës u prezantua planifikimi i tyre për organizimin e mirëfilltë të kësaj drejtorie me qëllim ngritjen e nivelit të shërbimeve për qytetarët.
Drejtori Ekzekutiv i AKK-së, z. Avni Ahmeti, në fjalën e tij kërkoi bashkëpunim maksimal nga këto drejtori të rëndësishme komunale me qëllim që të rritet performanca e të trija institucioneve. Koordinimi dhe bashkëpunimi i ngushtë me komuna do të jetë veçanërisht i nevojshëm në procesin e legalizimit dhe pararegjistrimit të ndërtesave dhe pjesëve të ndërtesës si dhe në mirëmbajtjen e adresave, shtoi më tutje z.Ahmeti.
Edhe ky aktivitet i Agjencisë Kadastrale të Kosovës, vije si hap i rëndësishëm në planin e aktiviteteve të këtij viti me qëllim që të vazhdoj konsolidimin e bashkëpunimit ndërinstitucional, të cilat bashkë me reformat e realizuara do të ngritin padyshim edhe më tutje nivelin e kualitetit të të dhënave kadastrale e poashtu edhe shërbimeve kadastrale në të mirë të qytetarëve.