Pas kompletimit të Komisionit dhe në zbatim të Vendimit Nr. 11/08, të datës 03.04.2026, të Qeverisë së Republikës së Kosovës, u mbajt takimi i rradhës në Agjencinë Kadastrale të Kosovës (AKK), ku u dakorduan hapat konkretë për vijimin e procesit.
Komisioni tashmë ka filluar trajtimin e lëndëve që lidhen me zyrtarizimin e gjendjes faktike dhe mospërputhjet me RDPP, duke u udhëhequr nga parimet e profesionalizmit, transparencës dhe koordinimit ndërinstitucional.
Puna po vijon me intensitet të shtuar, me qëllim të sigurimit të një procesi të drejtë, efikas dhe në përputhje me legjislacionin në fuqi, në funksion të interesit publik dhe forcimit të sigurisë juridike mbi pronën.