Agjencia Kadastrale e Kosovës (AKK) ka pritur një delegacion nga Bavaria e Gjermanisë, i përbërë nga përfaqësues të Ministrisë së Bujqësisë (Drejtoria për Zhvillimin Rural në Bavari) dhe Shoqatës për Gjeodezi, Gjeoinformacion dhe Menaxhim të Tokës në Gjermani.
Delegacioni u mirëprit nga U.D. Drejtori Ekzekutiv i AKK-së, z. Faik Kelmendi, në bashkëpunim me profesorin e Departamentit të Gjeografisë, z. Fitim Humolli, si dhe nga zyrtarë të tjerë të AKK-së.
Gjatë takimit, u diskutua për çështje të rëndësishme që lidhen me të dhënat gjeohapësinore, zhvillimin rural dhe administrimin e tokës. Me këtë rast, AKK prezantoi mandatin, strukturën organizative dhe përgjegjësitë e saj ligjore.
Në përfundim të takimit, palët u pajtuan për vazhdimin e bashkëpunimit, duke synuar realizimin e aktiviteteve konkrete në të ardhmen.