Zv. Drejtori i përgjthshëm i AKK-së ka nxjerr vendim me të cilin është formuar Grupi Punues i brendshëm për Hartimin e drafteve fillestar të Projekt Udhëzimeve Administrative të përcaktuara me Ligjin nr. 08/L-010 për krijimin e Infrastrukturës Kombëtare të Informacionit Hapësinor në Republikën e Kosovës.
Grupi punues do të harton draftet fillestare për 5 udhëzime administrative të cilët parashihen me ligjin për IKIH, të cilët janë:

1. Udhëzimi Administrativ për përbërjen, fushë veprimtarinë dhe mënyrën e funksionimit të grupeve punuese;
2. Udhëzimi Administrativ për standardet e krijimit, ruajtjes, përditësimit dhe strukturën e meta të dhënave;
3. Udhëzimi Administrativ për rregullat e hollësishme për realizimin e ndërveprueshmërisë;
4. Udhëzimi Administrativ për rregullat e shkëmbimit të grupeve dhe shërbimeve të të dhënave gjeohapësinore ndërmjet autoriteteve publike dhe
5. Udhëzimi Administrativ për standardet teknike të ofrimit të shërbimeve nga Gjeoportali i IKIH.

Me draftimin dhe aprovimin e këtyre Udhëzimeve Administrative kompletohet baza ligjore sa i përket Infrastrukturës Kombëtare të Informacionit Hapësinor në Republikën e Kosovës.