Agjencia Kadastrale e Kosovës, në bashkëpunim me USAID dhe Zyrat Kadastrale Komunale, ka mbajtur tri punëtori të ndara në kuadër të Komitetit të Praktikave të Mira të programit për Qeverisjen Pronësore.
Të pranishëm në takim ishin përfaqësues të AKK, USAID, ZKK, si dhe kryetarët e komunave Lipjan dhe Suharekë, përkatësisht z. Imri Ahmeti dhe z. Bali Muharremaj.
Temë qëndrore diskutimi ishin gjetjet në Raportin e USAID-it për ZKK Suharekë, Rahovec dhe Lipjan, në lidhje me organizimin e mbrendshëm të ZKK-ve, rrjedhën e punës së lëndëve, rrespektimi i afateve kohore, kushtet e punës, mungesa e stafit, etj.
Nga kjo punëtori ZKK-të do të kenë të listuara hapat që duhet të ndërmarrin në drejtim të ngritjes së cilësisë së shërbimeve për qytetarë, llojin dhe natyrën e kërkesave që duhet drejtuar drejtorive tjera dhe zyrës së kryetarit për përkrahje, mënyrën e riorganizmit dhe ndryshimeve në staf, e pozita mbrenda ZKK-së dhe rekomandime të tjera që lidhen me përshpejtimin e punës mbrenda ZKK-së.
Mbështetje në reforma me qëllim të ngritjes së cilësisë së shërbimeve kadastrale premtuan edhe Kryetarët e komunave.
Në anë tjetër edhe AKK-ja do ofrojë mbështetjen dhe përkrahjen e vazhdueshme për ZKK-të, por gjithashtu do të monitorojë edhe implementimin e ndryshimeve në gjetjet e prezentuara në këtë takim dhe në përgjithësi funksionimin dhe aktivitetin e ZKK-ve.